Ermənistanın keçmiş polis rəisinin müavini, general-leytenant Ararat Maxtesyana məxsus “Arzni” kurort kompleksində kişi meyiti aşkarlanıb.

Axar.az xəbər verir ki, bu barədə erməni mətbuatı məlumat yayıb.

Hadisə yerinə gələn polis və müstəntiqlər ölənin İrəvan sakini, 67 yaşlı Qagik Arutyunyan olduğunu müəyyən ediblər.

General A.Maxtesyan polisə və müstəntiqlərə bildirib ki, həmin gün Arutyunyanın qohumlarından ibarət 4-5 nəfər sanatoriyaya gəlib və hamını nalayiq qışqırıqlarla, işçiləri və istirahət edənləri təhqir etməklə, lənətlər yağdırmaqla hədələməyə başlayıblar. Onlar kompleklsin 3-cü mərtəbəsinin qapılarını və divarlarını yumruqla döyəcləyiblər, təhqiramiz ifadələr səsləndiriblər.

Polis və müstəntiqlər həmin şəxslərdən ikisinin şəxsiyyətini müəyyənləşdirib.

Faktla bağlı cinayət işi başlanıb.