Ötən həftə Rusiyanın prioriteti Ukraynanın cənubunu gücləndirmək üçün bölmələrin istiqamətini dəyişmək olub. Bununla belə, Donbasda Rusiyanın dəstəklədiyi qüvvələr, əsasən “dxr” döyüşçüləri Donetskin şimalına hücum cəhdlərini davam etdirirlər.

Axar.az xəbər verir ki, bu barədə Britaniya Müdafiə Nazirliyinin hesabatında qeyd olunub.

“Xüsusilə şiddətli döyüşlər Donetsk hava limanı yaxınlığında yerləşən Peski qəsəbəsi ətrafında baş verib. Burada münaqişənin necə bitəcəyi mübahisəlidir. Bu ərazi 2014-cü ildən təmas xəttində yerləşir”, - məlumatda qeyd olunub.

Məlumata görə, rusların məqsədi Qərbi Ukrayna ilə Donetski birləşdirən M04 magistralını ələ keçirməkdir.