Rusların silah anbarları həmişə Ukrayna Silahlı Qüvvələri üçün prioritet hədəf olaraq qalacaq.

Axar.az xəbər verir ki, bunu hərbi ekspert Oleq Jdanov deyib.

"Sursat 1 nömrəli məqsəddir. Rusların döyüş sursatından məhrum edilməsi qoşunlarımızın uğurlu əks-hücumu, Rusiya qoşunlarının döyüş qabiliyyətinin azaldılması üçün əsasdır. Təəssüf ki, rusların sursatları hələ də çoxdur. Axı SSRİ-nin çoxlu sayda sursatı Rusiya Federasiyasına qalıb", - Jdanov bildirib.

O qeyd edib ki, indi rus hərbçiləri döyüş sursatını Uraldan daşımalıdırlar:

“Bu, vaxt və yükləmə baxımından böyük xərcdir. Buna görə də Rusiya Belarusun döyüş sursatını seçir”.