Cənubi Koreya Prezidenti Yun Suk Yol Şimali Koreyanın nüvədən imtinayla bağlı qəti addımlar atacağı təqdirdə ölkəyə iqtisadi yardım etməyi təklif edib.

Axar.az xəbər verir ki, bu barədə “Yonhap” agentliyi məlumat yayıb.

Prezidentin sözlərinə görə, Koreya yarımadasında, Şimal-Şərqi Asiyada və dünyada davamlı sülh üçün Pxenyan administrasiyasının nüvəsizləşdirilməsi zəruridir:

"Şimali Koreya nüvə proqramını inkişafını dayandırsa, real və güclü nüvəsizləşdirmə prosesinə başlasa, mənim nəzərdə tutduğum cəsarətli təşəbbüs Şimali Koreyanın iqtisadiyyatını və xalqının rifahını əhəmiyyətli dərəcədə yaxşılaşdıracaq”.