Rusiyanın "ARMY2022" silah sərgisində nümayiş etdirdiyi robot it sosial şəbəkələrdə ən çox müzakirə edilən məsələlərdən biri halına gəlib.

Axar.az Bakupost.az-a istinadən xəbər verir ki, "Machine Intellect" mühəndislik firması tərəfindən istehsal edilən robot itin Çində satılan "ev robotları"na bənzəməsi diqqət çəkib.

Onu fərqləndirən arxasına quraşdırılan tank əleyhinə raketdir. Robotun "geyimi" isə nindzaları xatırladıb.

"M-81 Kompleksi" adlı robot it hədəfi təyin edə və atəşə tuta bilir. O, patrul xidməti də göstərə bilər. Robot it, həmçinin, dərmanların çatdırılması və dağıntılarda aparılan axtarış işlərində də istifadə ediləcək.