İyul ayı ərzində Avropanın altı ən böyük ölkəsi müharibədən sonra Ukraynaya yeni ikitərəfli hərbi öhdəliklər təklif etməyib.

Axar.az xəbər verir ki, bu barədə “Politiko” məlumat yayıb.

“Aprelin sonundan etibarən Avropanın Ukraynaya hərbi yardım üzrə öhdəliklərinin azalma tendensiyası müşahidə olunur. Keçən həftə Ukraynaya dəstək üzrə Kopenhagendə keçirilən Şimal Müttəfiqlərinin Müdafiə Nazirləri Konfransında Kiyevə əlavə dəstək olaraq 1,5 milyard avrodan çox vəsait ayrılması razılaşdırılıb. Bu rəqəm əvvəlki konfranslarda razılaşdırılanlarla müqayisədə kiçikdir. Avropa ölkələri Ukraynadakı müharibəyə daha çox avrozona böhranı və ya koronavirus pandemiyası kimi baxmalıdırlar. Bu iki hadisə qitəni fövqəladə maliyyələşdirmə tədbirlərinə yüz milyardlarla vəsait xərcləməyə vadar edir. AB-nin Pandemiya ilə Mübarizə Fondunda təxminən 800 milyard avro kredit və qrantlar var. Ümumilikdə Avropanın Ukraynaya yardımı hələlik bu məbləğin kiçik bir hissəsidir. Təhlükə altında olanı nəzərə alsaq, bu, təəccüblü dərəcədə azdır”, - məlumatda deyilir.