ABŞ Rusiyanı dalana dirəmək üçün kifayət qədər silah verir, lakin bu, Ukraynaya işğal edilən əraziləri geri qaytarmağa kifayət etmir.

Axar.az xəbər verir ki, bu fikirlər ABŞ-ın istefada olan 19 generalı və keçmiş məmurlarının Ukraynaya silah tədarükünün artırılması ilə bağlı çağırışlarında yer alıb.

“Biz hesab edrik ki, Ukraynaya qələbə üçün lazım olan silahları verməyi hər gün gecikdirərək, Kremllə qarşıdurmadan qaçırıq. Əksinə, biz sadəcə olaraq daha az əlverişli əsaslarla bu təhlükə ilə üzləşmə ehtimalını artırırıq. Biz Bayden administrasiyasını sürəti artırmağa çağırırıq”, - çağırışda bildirilib.

Çağırışçılar arasında NATO-nun Avropadakı qüvvələrinin keçmiş baş komandanı general Filipp Bridlav, ABŞ-ın Ukraynadakı keçmiş səfirləri - Mari Yovanoviç, Con Herbst, Ulilyam Teylor da yer alıblar.