Taliban rəhbərliyinə qarşı silahlı mübarizəyə başlayan Mövləvi Mehdi Mücahid öldürülüb.

Axar.az xəbər verir ki, bu barədə Taliban hökuməti məlumat yayıb.

Məlumata görə, Mövləvi Mehdi İrana keçmək istəyərkən Herat sərhədində sərhəd qüvvələri tərəfindən öldürülüb.

Mövləvi Mehdinin rəhbəri olduğu qruplaşma məsələ ilə bağlı açıqlama verməyib.

Qeyd edək ki, Mövləvi Mehdi Mücahid xəzərləri təmsil edən yeganə Taliban komandiri idi. Radikalların Əfqanıstanda hakimiyyətə gəlməsindən sonra Mücahid Bamian əyalətinin kəşfiyyat rəisi təyin olunur. Lakin Taliban rəhbərliyi ilə qızların təhsili məsələsində fikir ayrılığı yarandığı üçün vəzifəsindən uzaqlaşdırılır.

Bundan sonra Mücahid balhab əyalətində Talibana qarşı qiyam qaldırsa da, məğlub olaraq dağlara çəkilir.