Rusiya ordusu Ukraynada dəhşətli itkilər verib və hədəfləri ilə bağlı açıq-aşkar uğur əldə edə bilməyib.

Axar.az xəbər verir ki, bu barədə Böyük Britaniyanın müdafiə naziri Ben Uolles deyib.

“Rusiya ciddi kəmiyyətdə avadanlıq və canlı qüvvə itirməkdə davam edir. Bugünkü dəyərləndirmələrə görə, 25 mindən çox rusiyalı əsgər ölüb, lakin ümumən, ölü, yaralı, əsir götürülənlər, onminlərlə fərarini də buraya əlavə etsək, bu rəqəm 80 mindən çoxdur. Bu, Rusiya ordusuna və onun döyüş qabiliyyətinə uzun vədədə təsir göstərəcək”, - deyə nazir bildirib.

O, həmçinin əlavə edib ki, 194 günlük müharibədə Rusiya öz strateji məqsədlərindən heç birinə nail olmayıb, halbuki bütün bunlar 1 aya planlaşdırılırdı:

“Ukraynalılar real uğur əldə etdikcə, döyüş yaxın və şiddətli olur”.