Rusiya ordusunu maliyyələşdirmək üçün vəsaitin olmaması onun döyüş qabiliyyətinə mənfi təsir göstərəcək. İş o yerə gələcək ki, əsgərlər şəraitdən asılı olmayaraq evə qayıtmaq ümidi ilə yavaş-yavaş komandirlərini öldürməyə və "tarakan" kimi dağılmağa başlayacaqlar.

Axar.az xəbər verir ki, bu barədə ukraynalı hərbi ekspert Oleq Jdanov deyib.

"Sadəcə, komandir yeganə maneə olacaq. Bu gün Rusiya ordusunun nizam-intizamı komandirin iradəsindən asılıdır. Onlar üsyançı əhval-ruhiyyəni, o cümlədən, fiziki güc tətbiq etməklə yatırtmağa çalışırlar. Aprel-may aylarında komandirlərin əsgərləri mövqelərinə qaytarmaq üçün silahdan istifadə etməsi halları olub. Rusiya dövlət sərhədi istiqamətində əsgərlərin öz komandirlərini öldürərək mövqelərini tərk etməyə cəhd etməsi halları olub. Briqadalar miqyasında korrupsiya var”, - Jdanov bildirib.