İşğalçıların Krivoy Roqdakı bəndə hücumu təkcə mülki infrastruktura zərər vurmaq deyil, həm də Ukrayna Silahlı Qüvvələrinin Xerson istiqamətində hücumunu dayandırmaq məqsədi daşıyırdı.

Axar.az xəbər verir ki, bunu Ukrayna Prezident Ofisi rəhbərinin müşaviri Aleksey Arestoviç deyib.

Onun sözlərinə görə, bu, Rusiya ordusunda böhranın dərinləşdiyini göstərir:

“Senyabrın 14-ü onlar Krivoy Roqdakı bəndi vurdular, gözləyirdilər ki, dalğa İnqulets boyunca gedəcək və qoşunlarımızın bu istiqamətdə işləmək üçün istifadə etdiyi pontonlarımızı, keçidlərimizi yuyub aparacaq. Bu, sağ sahildə böhranın getdikcə böyüməsinə işarədir”.