Moldovada etiraz dalğası artacaq, bu, əhalinin əksəriyyətinin acınacaqlı vəziyyəti ilə bağlıdır.

Axar.az xəbər verir ki, bunu Qaqauz Xalq Assambleyasının deputatı, Qaqauz ictimai-siyasi hərəkatının sədri Viktor Petrov deyib.

"Ölkədə insanlar birləşir, bu, göz qabağındadır. Etiraz birbaşa ölkəmizin acınacaqlı durumu ilə bağlıdır: insanların ərzaq, geyim, dərman, kommunal xidmətlər üçün ödəyə biləcəkləri heç bir şey yoxdur. Kənd təsərrüfatı məhsulları istehsalçıları böyük itkilərə məruz qalır, kiçik və orta biznes məhv olmaq ərəfəsindədir. Xalqın qəzəb dalğası daha da artacaq”, - Petrov bildirib.

Deputat hesab edir ki, bütün müxalifət partiyalarının liderləri onlara qoşulsa, etirazlar daha da kütləviləşəcək:

"Bütün müxalifət qüvvələrinin birləşməsi Moldovaya dirçəliş şansı verəcək. Müxalifət birləşməlidir".

Qeyd edək ki, Kişinyovda hökumətin qərbyönümlü siyasətinə etiraz olaraq kütləvi etirazlar başlanıb.