Avropa Birliyinin (AB) Rusiyaya qarşı yeni sanksiyalar paketinə onlarla yüksək texnologiyalı məhsulun ixracı daxil ola bilər.

Axar.az xəbər verir ki, xüsusilə söhbət smartfonlar, radar və lazer avadanlıqlarından gedir.

Həmçinin, təşəbbüs müəllifləri AB şirkətlərinə rusiyalı müştərilərinə İT xidmətləri göstərməyi qadağan etmək və AB-də “Kasperski Lab” məhsullarından istifadəni dayandırmaq istəyirlər.

Qeyd edək ki, Avropa Komissiyasının nümayəndələri ilə AB ölkələri rəsmiləri arasında Rusiyaya qarşı növbəti sanksiyalar paketinin müzakirələri artıq başlayıb.