12:00

Rusiyanın İjevsk şəhərindəki 88 saylı orta məktəbdə atışma baş verib.

Axar.az xəbər verir ki, bu barədə Rusiyanın Teleqram kanalları məlumat yayıb.

Məlumata görə, naməlum şəxs öncə məktəbin mühafizəçisini güllələyib. Daha sonra məktəbə daxil olaraq məktəblilərə atəş açmağa başlayıb.

Yaralıların olduğu bildirilir.

***

Rusiya mətbuatı atışma nəticəsində 7 nəfərin öldüyünü bildirib.

Ölənlərdən 3-ü uşaqdır.

***

Son məlumatlara görə, atışma nəticəsində ölənlərin sayı 10-a qalxıb. Onlardan 5-i uşaqdır. Daha 18 nəfər isə yaralanıb.

Şübhəli şəxsin də öldürüldüyü bildirilir.

***

Atışma zamanı ölənlərin sayı 13-ə çatıb. Onlardan 7-si uşaqdır.

***

İjevskdə 88 saylı orta məktəbdə baş verən atışma nəticəsində ölənlərin sayı 15-ə çatıb.

Bu barədə Rusiya İstintaq Komitəsinin mətbuat xidməti məlumat yayıb.

***

Qanlı olay nəticəsində ölənlərin sayı 17-yə çatıb.

Bu barədə Rusiya İstintaq Komitəsinin məlumatında deyilir.