22:03

Bu gün İranın Sistan və Bəlucistan vilayətinin Zahidan şəhərində baş verən hadisələrdə ən azı 19 nəfər ölüb, 15 nəfər yaralanıb.

Axar.az-ın məlumatına görə, bu barədə İranın dövlət informasiya agentliyi (İRNA) məlumat yayıb.

Bildirilib ki, hadisələr nəticəsində 16 polis əməkdaşı yaralanıb.

Qeyd edək ki, Tehranda 22 yaşlı Məhsa Əmininin Tehranın əxlaq polisi əməkdaşları tərəfindən öldürülməsinə etiraz olaraq İranın bir neçə şəhərində aksiyalar keçirilir.

***

Zahidan şəhərində baş verən hadisələr zamanı ölənlər arasında SEPAH-ın vilayət üzrə təhlükəsizlik idarəsinin rəisi polkovnik Əli Musəvi də olub.

Hadisə nəticəsində daha 3 SEPAH əməkdaşı yaralanıb.