İstanbulda silahlı hücuma məruz qalan MHP üzvü Ərkan Xəncər (Erkan Hançer) müalicə aldığı xəstəxanada həyatını itirib.

Axar.az Musavat.com-a istinadən xəbər verir ki, Ərkan Xəncər ötən çərşənbə axşamı səhər saatlarında Sancaqtəpədə bazardan çıxarkən silahlı hücuma məruz qalıb və ağır yaralı halda xəstəxanaya yerləşdirilib.

Silahlı hücumun təhlükəsizlik kamerası görüntülərində Ərkan Xəncərin bazardan çıxaraq maşınına tərəf gedərkən orada gözləyən bir şəxsin silahı çıxararaq atəş açdığı görünür. Yaxın məsafədən başına dəyən güllə nəticəsində vəziyyəti ağır olan Ərkan Xəncəri bütün müdaxilələrə baxmayaraq, xilas etmək mümkün olmayıb.