Türkiyədə səfərdə olan Ukrayna Prezident Ofisinin rəhbəri Andrey Yermak “Baykar” şirkətinin rəhbərləri Haluk və Səlcuq Bayraqdarlarla görüşüb.

Axar.az xəbər verir ki, bu barədə Ukrayna Prezident Ofisi məlumat yayıb.

Yermak “Bayraqdar” PUA-larının istehsal olunduğu müəssisədə olub.

“Biz strateji tərəfdaşımız Türkiyə ilə sıx əməkdaşlıq edərək dövlətimizin müdafiə qabiliyyətini gücləndirməkdə davam edirik”, - Yermak bildirib.

Yermak Ukrayna Prezidenti Vladimir Zelenskinin tapşırığına uyğun olaraq, III dərəcəli “Xidmətə görə” ordenini “Baykar” şirkətinin texniki direktoru Səlçuq Bayraqdara təqdim edib.