İran parlamenti ölkədə etirazlarla bağlı qapalı iclas keçirib.

Axar.az-ın məlumatına görə, bu barədə İRNA xəbər verib.

İranın daxili işlər naziri Əhməd Vahidi parlamentarilərə ölkədə son həftələr baş verən hadisələrlə bağlı hesabat təqdim etməliydi. İclasda həmçinin İran Polisinin rəisi, briqada generalı Hüseyn Əştərinin də çıxış edəcəyi gözlənilirdi.

İranda 10 gündən artıqdır ki, hicab qaydasını pozmaqda ittiham edilən 22 yaşlı Məhsa Əmininin polis idarəsində ölümü ilə bağlı etiraz aksiyaları keçirilir. Hakimiyyət orqanları 1 189 nəfəri saxlayıb.