Qərb dövlətləri tərəfindən Ukrayna ordusuna davamlı silah tədarükü Rusiyanı bu dövlətləri silahlı münaqişənin birbaşa iştirakçıları hesab etməyə vadar edə bilər.

Axar.az xəbər verir ki, bu açıqlama ilə Rusiya Xarici İşlər Nazirliyinin rəsmisi Konstantin Vorontsov çıxış edib.

Diplomat Qərbi Rusiya ilə birbaşa qarşıdurmada ittiham edib və qeyd edib ki, Ukrayna təkcə silah deyil, həm də kəşfiyyat məlumatları, eləcə də xarici müşavirlərin yardımını alır.

Vorontsovun sözlərinə görə, ABŞ və müttəfiqləri münaqişəyə tam nəzarət etmək imkanına inanırdılar:

“Bu, bütün fəlakətli nəticələrlə nüvə güclərinin birbaşa hərbi toqquşmasına qədər eskalasiya ilə doludur”.

O, Rusiyanın Qərbi etibarlı tərəfdaş hesab etməkdən vaz keçdiyini də vurğulayıb.