Rusiya Prezidenti Vladimir Putin Qərbin Ukraynada çevrilişi maliyyələşdirməsi etirafını və 2 il öncə SEPAH generalı Qasım Süleymaninin öldürülməsi olayını şərh edib.

Axar.az xəbər verir ki, Kreml rəhbəri bu barədə “Valday” klubunda çıxışında deyib.

“İran generalı Süleymanini öldürdülər. Süleymaniyə istənilən cür münasibət göstərə bilərdiniz, lakin o, digər bir dövlətin rəsmi şəxsidir. Üçüncü ölkə ərazisində öldürdülər və “Biz öldürmüşük, bəli” dedilər. Bu nə deməkdir, biz harada yaşayırıq?” - deyə Putin bildirib.

Dövlət başçısı Qərbin Ukrayanda çevrilişi maliyyələşdirməsi etirafını şərh edərkən emosiyalarını gizlədə bilməyib:

“Qoy, iqtisadi, ticari müharibə olsun, boykot, sanksiya, rəngli inqilablar... Hazırlayır və müxtəlif çevrilişlər həyata keçirirlər. Onlardan biri Ukraynada 2014-cü ildə faciəvi hadisələrə gətirib çıxartdı. Dəstəklədilər, hətta çevrilişə nə qədər pul ayırdıqlarını açıqladılar. Ağıllarını itirblər, heç nədən utanmırlar”.