Ana səhifə Planet |
Türkiyə ÜDM artımına görə G20 liderləri arasında ilk beşliyə daxildir.
Axar.az xəbər verir ki, bu barədə Türkiyə Prezidenti Rəcəb Tayyib Ərdoğan məlumat verib.
Prezident qeyd edib ki, Türkiyə iqtisadiyyatı 2022-ci ildə rekord artım əldə edəcək:
"Bu, ölkəmizin güclənməsinin göstəricisidir. Əminəm ki, 2022-ci ildə iqtisadi artım rekord həddə çatacaq və ölkə 2023-cü ilə uğurla qədəm qoyacaq”.
Ərdoğan dünyada tənəzzülün davam etdiyi bir vaxtda Türkiyənin iqtisadi artımı davam etdirməsini xüsusilə əhəmiyyətli adlandırıb.
O, Türkiyə iqtisadiyyatının 3,9% böyüdüyü bu ilin üçüncü rübünün statistikasına diqqət çəkib.
Xatırladaq ki, noyabrın 24-də Türkiyə Mərkəzi Bankı uçot dərəcəsini illik 9%-ə endirib. Bununla yanaşı, ölkənin Statistika İnstitutunun məlumatına görə, illik hesabatda inflyasiya oktyabrda sürətlənərək 85,51%-ə çatıb.
Tarix
2022.11.30 / 23:41
|
Müəllif
Axar.az
|