Ukrayna Almaniya ilə "Patriot" hava hücumundan müdafiə sistemlərinin təhvil verilməsi ilə bağlı danışıqlara başlayıb.

Axar.az xəbər verir ki, bu barədə Ukrayna xarici işlər naziri Dmitri Kuleba danışıb.

"Onların ("Patriot"ların - red.) ölkəmizin qərb bölgələrində yerləşdirilməsi Polşanı və digər NATO ölkələrini istənilən insidentdən qorumaq üçün ən yaxşı vasitədir.

Biz ABŞ-la bu məsələləri qaldırmışıq, çünki onlar "Patriot" texnologiyasına sahibdirlər. Mən də NATO və ATƏT nazirlərinin görüşlərindən istifadə edərək, bizə müsbət qərar verməkdə kömək edə biləcək hər kəslə danışıram", - Kuleba söyləyib.