Rusiya hasilatı azaltmalı olsa belə, AB-nin qiymət şərtləri ilə neft satmayacaq.

Axar.az xəbər verir ki, bunu Rusiya Baş nazirinin müavini Aleksandr Novak deyib.

“Biz hasilatı bir qədər azaltmalı olsaq da, neft və neft məhsullarını bazar şərtləri ilə bizimlə işləyəcək ölkələrə satacağıq”, - deyə o əlavə edib.

Baş nazirin müavini vurğulayıb ki, Avropa Birliyinin qiymət həddi siyasətinə Rusiyanın mövqeyi dəyişməz olaraq qalır. Onun sözlərinə görə, bu, səmərəsiz olmaqla yanaşı, Ümumdünya Ticarət Təşkilatının (ÜTT) qaydalarına da ziddir.

Qeyd edək ki, AB-yə üzv dövlətlər Rusiya nefti üçün 60 dollar səviyyəsində qiymət müəyyən edib.