Türkiyə mülki aviasiya sahəsində dünyanın ən böyük uçuş şəbəkəsinə malik ölkəyə çevrilib.

Axar.az xəbər verir ki, bunu Türkiyənin Nəqliyyat və İnfrastruktur naziri Adil Qaraismayıloğlu deyib.

"20 il ərzində aviasiya siyasətində həyata keçirilən səmərəli, aktiv və planlı investisiyalarla Avrasiyada aparıcı rol aldıq. Müqavilələr və danışıqlar nəticəsində 60 beynəlxalq uçuş istiqamətlərinin sayına 282 yeni istiqamət əlavə etdik. 2022-ci ilin noyabr ayından etibarən 130 ölkədə uçuş şəbəkəmizi genişləndirəcəyik. 2003-cü ildə 50 istiqamətdə fəaliyyət göstərirdik, onu 342 istiqamətə çatdırdıq. Türk mülki aviasiyasını dünyanın ən böyük uçuş şəbəkəsinə malik ölkəyə çevirdik", - deyə nazir qeyd edib.