Çin nüvə silahına olduqca həssas yanaşır.

Axar.az xəbər verir ki, bu sözləri Ukraynanın keçmiş xarici işlər naziri Pavel Klimkin deyib.

O bildirib ki, belə bir silahın tətbiqi Çin üçün fəlakət deməkdir:

“Si Szinpin Putinin ətrafında, rus ordusunda kollaps baş verərsə, ona təsir edə bilməyəcək. Yaponiya, Koreya, Tayvan, İndoneziya, Vyetnamda pul və texnoloji imkanlar var. Onlar yaxın illərdə nüvəyə sahib olacaq. Çin üçün nüvə silahının yayılması əsl fəlakətdir”, - Klimkin bildirib.

Onun sözlərinə görə, Putinin daim nüvə silahı ilə dünyanı qorxutması və onun təbliğatını gücləndirməsi Çinin xoşuna gəlmir.