Serbiya Prezideni Aleksandr Vuçiç Kosovadakı etnik serbləri hakimiyyətə qarşı etirazları dayandırmağa çağırıb.

Axar.az xəbər verir ki, bu sözləri Serbiya hökuməti yanında Kosova və Metoxiya üzrə dəftəxananın direktoru Petar Petkoviç deyib.

"Biz ABŞ və AB-dən etirazlarda və barrikadalarda iştirak edən serblərin təqibə məruz qalmayacaqları və həbs olunmayacaqlarına dair zəmanət almışıq", - Petkoviç söyləyib.

Onun sözlərinə görə, Kosova təhlükəsizlik qüvvələri də NATO-nun KFOR missiyası və yerli əhali nümayəndələrinin razılığı olmadan ölkənin şimalına gəlməyəcəklərini bildiriblər.

Qeyd edək ki, Kosovada etnik serblərlə təhlükəsizlik qüvvələri arasında bu və ya digər səbəblərdən mütəmadi olaraq gərginlik yaşanmaqdadır.