Türkiyə Kürdüstanın tərəqqisi və inkişafını istəyir.

Axar.az xəbər verir ki, bunu Türkiyə Xarici İşlər naziri Firidun Sinirlioğlu Şimali İraq Kürd Regional Rəhbərliyinin sədri Məsud Bərzani ilə görüşündə deyib. O bildirib ki, Türkiyə Kürdüstanla normal qonşuluq münasibətlərinə malikdir:

"Türkiyə Kürdüstanda tərəqqi və sabitliyi dəstəkləyir. Biz hər mənada sizinlə əlaqələrimizi genişləndirmək və inkişaf etdirmək istəyirik".

Eyni zamanda Bərzani də 1 noyabr seçkilərindən dolayı Siniroğlunu təbrik edib:

"Seçkinin nəticələri Türkiyə və Yaxın Şərqdə sabitliyə və inkişafa xidmət edəcək. Türkiyə və Kürdüstan eyni bölgədə yerləşir. Hər iki dövlət inkişaf yönündə birgə səy göstərməlidir".

Qeyd edək ki, danışıqlar zamanı Yaxın Şərqdəki son vəziyyət, Suriyadakı böhran, terrorla mübarizə məsələləri də müzakirə olunub.