Rusiya raketsiz və donanmasız qala bilər.

Axar.az xəbər verir ki, bu sözlər Rusiya Ali İqtisadiyyat Məktəbinin rektoru Yaroslav Kuzminovun hesabatında yer alıb. Onun sözlərinə görə, Rusiya bir tərəfdən Xəzər dənizindən raketlərin uğurlu buraxılışını həyata keçirir, digər tərəfdən isə təhsil və elmə ayrılan xərcləri azaldır:

"Əgər biz bu məsələlərdə kəməri sıxacağıqsa, o zaman sabah nə raketimiz, nə də donanmamız olacaq. 2016-ci ilin büdcə proyekti göstərir ki, sosial sferadakı problemlərin həlli gələcəyə saxlanılıb. 2015-ci illə müqayisədə təhsil üçün xərclər 8,5%, səhiyyə üçün isə 8% azaldılıb".