"Dünyanın ən kasıb prezidenti" kimi tanınan Xose Muxika Nobel mükafatını hansı səbəblərə görə rədd etməsinin səbəbini açıqlayıb.

Axar.az xəbər verir ki, Türkiyənin İzmir şəhərində keçirilən görüş zamanı jurnalistlərin suallarını cavablandıran Uruqvayın sabiq prezidenti Muxika müharibələrin olduğu bir dünyada sülh mükafatı almaq istəmədiyini bildirib:

"Axı niyə müharibə ilə dolu bir dünyada sülh mükafatı verirlər? Dünyanın hər yerində müharibə gedir. Mən də buna görə mükafatı rədd etdim. Bütün dünya xalqları birləşməli və sülh üçün, ümid üçün "Savaşa yox!" deməlidir. Dünyada hərbi xərclərə dəqiqədə 2 milyon dollar sərf olunur. Bu pulu xərcləyənlər onu kasıbların zəhməti ilə qazanırlar".