Xəbər verdiyimiz kimi, bu gecə, saat 01:30 radələrində Ermənistanın Göyçə mahalının Ağkilsə (Aşıq Ələsgərin kəndidir, azərbaycanlılar deport edildikdən sonra ermənilər "Azat" adı veriblər) kəndi yaxınlığında yerləşən hərbi hissələrindən birində yanğın baş verib, nəticədə 15 əsgər ölüb, 3-ü yanıq xəsarətləri alıb.

Axar.az xəbər verir ki, yanğının Ermənistan Müdafiə Nazirliyinin N saylı hərbi hissəsinin Azad kəndi ərazisində yerləşən mühəndis-istehkamçı rotasının sığınacağında olduğu bildirilir.

Yanğın baş verən hərbi hissə Azərbaycan sərhədinə yaxın ərazidə yerləşir.

Yanğının hansı səbəbdən baş verdiyi haqda heç bir məlumat yoxdur.