Kreml sözçüsü Dmitri Peskov Misirin Sinay yarımadasında qəzaya uğrayan sərnişin təyyarəsi ilə bağlı İngiltərə kəşfiyyatının əldə etdiyi məlumatları Rusiya ilə paylaşmadığını açıqlayıb.

Axar.az xəbər verir ki, Peskov təyyarənin öncədən hazırlanmış plan əsasında partladıldığına dair məlumat əldə etmədiklərini deyib:

"İngiltərə xüsusi xidmət orqanları bu barədə bizə məlumat verməyib. Təyyarənin partlayıcı maddə vasitəsi ilə partladıldığı barədə məlumatları haradan əldə etdikləri bizim üçün qaranlıqdır".

Peskov Obamanın da bənzər şərhinə münasibət bildirib.

"Obama bu barədə konkret danışmadı. Yalnız ehtimalla öz fikrini bildirib. İstintaq aparılır və hər hansı nəticə əldə olunmyaıb. Gözləmək lazımdır", - Kreml rəsmisi qeyd edib.

Xatırladaq ki, İngiltərənin Xarici İşlər naziri Filip Hammond ötən gün verdiyi açıqlamasında təyyarənin öncədən quraşdırılmış bomba vasitəsilə partladıldığını iddia etmişdi".