XIX əsrin sonları XX əsrin əvvəllərində əhalisinin təxminən üçdə biri köç edən İsveç keçən il tarixinin ən böyük köçünü yaşayıb.

Axar.az xəbər verir ki, İsveç Statistika Təşkilatının (SCB) 2014-cü ildə ölkədən köçənlərlə bağlı yayımladığı sənəddə ölkəni tərk edən 51200 nəfərin 23900-nün qadın olduğunu qeyd edib.

İsveçdən köçənlərin 37%-nin İsveçdə doğulan, qalanının isə immiqrant olduğu bildirilib. Ölkədən köç edənlərin çoxu Norveç, İngiltərə, ABŞ və Danimarka kimi ölkələri seçib.

Eyni zamanda İsveçə başqa ölkələrdən köçənlərin də sayı həddindən artıq çoxdur. 2015-ci ildən indiyə qədər, başda vətəndaş müharibəsindən qaçaraq gələn suriyalılar olmaqla İraq, Əfqanıstan və Afrika ölkələrindən 100 mindən çox immiqrant gəlib.