Çili dövləti Nobel mükafatı laureatı Pablo Nerudanın həyatına sui-qəsd edildiyini rəsmən təsdiqləyib.

Axar.az xəbər verir ki, Daxili İşlər Nazirliyi "El Pais" qəzetinin nəşr etdiyi faktların doğru olduğunu açıqlayıb.

Qəzetin əldə etdiyi məlumata görə, məşhur şair xərçəngdən deyil, diktator Avqusto Pinoçet tərəfindən öldürülüb.

Xatırladaq ki, Çili məhkəməsi Nerudanın Pinoçetin agentləri tərəfindən zəhərləndiyini düşünən assistenti Manuel Osorionun iddialarını qəbul edərək, 2013-ci ildə məzarın açılmasına qərar vermişdi.

Lakin araşdırmalar nəticəsində şairin zəhərlənməsi ilə bağlı heç bir fakt əldə olunmamışdı.

Neruda çevrilişdən sonra çətin günlər keçirib. Sürgünə gedərək Pinoçet rejiminin insanlıq günahlarını bütün dünyaya çatdırmağa qərar verən Neruda səfərə çıxmamışdan bir gün öncə Santiaqoda xəstəxanaya aparılıb.

Rəsmi məlumata görə, Neruda 23 sentyabr 1973-cü ildə 69 yaşında xəstəlikdən vəfat edib.