Türkmənistan Prezidenti Qurbanqulu Berdiməhəmmədov TƏPH (Türkmənistan-Əfqanıstan-Pakistan-Hindistan) qaz kəmərinin ölkəsinə düşən hissəsinin inşasına başlanması barədə sərəncam imzalayıb.

Axar.az xəbər verir ki, sərəncama əsasən, tikinti ilə "Türkmənqaz" və "Türkmənneftqaz" şirkətləri məşğul olacaq.

Kəmərin inşası bu ilin dekabrında başlayacaq və 2018-ci ilin sonunda başa çatacaq.

Kəmər ildə 33 milyard kubmetr qaz ötürmə qabiliyyətinə malik olacaq.

Qaz kəmərinin dəyəri isə 7,6 milyard dollardır.

Qeyd edək ki, bir çox analitiklər sözügedən kəmərin Əfqanıstan və Pakistandakı qeyri-stabillik üzündən reallaşmasını imkansız hesab edirlər.