ABŞ-ın Maliyyə Nazirliyi ikisi Çində, biri Liviyada olmaqla üç şirkətə sanksiya tətbiq edib.

Axar.az xəbər verir ki, sanksiyalara səbəb kimi Hizbullah terror təşkilatına pilotsuz uçan aparatların (PUA) verilməsi göstərilib.

"Hizbullah təhlükəli və qeyri-stabilliyə yol açan bir təşkilatdır. Hizbullahın gəlir mənbələrini hədəf almaqla qruplaşma üzərində ən üst səviyyədə yoxlamaların aparılmasında qərarlıyıq", - nazirliyin terror şöbəsinin rəsmisi Adam Szubin bildirib.

Liviyada sanksiya tətbiq edilən "Vateç" şirkəti və sahibi Fadi Hüseyndir. F.Hüseynin ABŞ, Avropa, Asiya və Yaxın Şərqdəki bir çox şirkətdən Hizbullah adına PUA-lar aldığı açıqlanıb.