Zelenski Qərb tanklarının köməyi ilə Krıma hücum edəcək.

Axar.az Publika.az-a istinadən xəbər verir ki, bunu Ukrayna ordusunun generalı Nikolay Malomuj deyib.

O bildirib ki, Ukrayna Prezidenti Vladimir Zelenski ağır texnikanın çatdırılmasına başlandıqdan 2 ay sonra Krıma hücum etmək üçün Qərb tanklarından istifadə edəcək.

“Bu, tanklarla Donetsk istiqamətində və bütün cənub dəhlizi, o cümlədən Krım boyunca hücuma keçməyə imkan verəcək”, - Malomuj bildirib.

O əlavə edib ki, Krıma hücumun vaxtı Ukrayna Silahlı Qüvvələrinin əsgərlərinin hazırlığının sürətindən də asılıdır. Ukrayna ordusunun generalı hesab edir ki, bu, 2 ay çəkəcək.

Xatırladaq ki, ABŞ və Almaniya artıq Ukraynaya "Abrams" və "Leopard" tanklarının veriləcəyini təsdiqləyib.