1 noyabr seçkisinin əsl qalibi Türkiyə Prezidenti Rəcəb Tayyib Ərdoğandır.

Axar.az xəbər verir ki, bunu AKP-nin İzmirdən seçilən millət vəkili Binəli Yıldırım deyib. O bildirib ki, Ərdoğan Türkiyədə yenidən tarix yazıb:

"Ərdoğan başda olmaqla, hər birimiz əl-ələ verib bu qələbəni qazandıq. Bu zəfərin əsl memarı Rəcəb Tayyib Ərdoğandır. 7 iyun seçkilərindən əvvəl bizə qarşı qara piar aparıldı. Ərdoğanı diktatorluqda ittiham etdilər. Onu ömürlük prezident olmaq istəyində təqsirli bildilər. Bu absurd fikirlərə qarşı lazımı cavabımızı verdik. Türkiyənin sabitliyi yalnız prezident üsuli-idarəsindədir. Bu idarəçilik Türkiyənin firavan gələcəyi naminədir".