Respublikaçı Partiyanın ABŞ prezidentliyinə namizədi Donald Tramp NBC televiziyasında yayımlanan "Sətidi Nayt Liv" (Saturday Night Live) komediya verilişinə qatılıb.

Axar.az xəbər verir ki, kiçik süjetli səhnəcik formasında aparılan proqramda 2018-ci il təsvir olunub. Prezident seçilən Tramp isə köməkçilərindən qlobal məsələlərlə bağlı məlumat alır.

Səhnəcikdə İŞİD terror təşkilatının yox edildiyi, Suriyada sülhün bərqərar olduğu və bütün qaçqınların öz ölkəsinə qayıtdığı deyilir. Suriya paytaxtı Dəməşqdə qumarxanaların fəaliyyətə başladığı barədə məlumat alan Tramp Rusiya Prezidenti Vladimir Putinlə görüşdüyünü və Ukrayna böhranının həll edildiyini bildirir.

Daha sonra səhnəcikdə iki il sonra ABŞ iqtisadiyyatının Çini ötdüyü və Pekinin Vaşinqtondan borc aldığı təsvir olunub.

Qeyd edək ki, Tramp şou-proqrama həyat yoldaşı Melanya Trampla bərabər qatılıb.