Belarus Ukrayna vətəndaşlarını sərhəddəki keçid məntəqələri vasitəsilə qəbul etməyə hazırdır, lakin Ukrayna tərəfi bunu qəbul etmir.

Axar.az xəbər verir ki, bunu Belarus Dövlət Sərhəd Komitəsinin sədri, general-leytenant Anatoli Lappo deyib.

“Biz nəzarət-buraxılış məntəqələrində stasionar rejimdə xidmət göstəririk. İnsanları qəbul etməyə hazırıq və onları qəbul edirdik. Lakin Ukrayna tərəfi bunu istəmir. Biz heç kimə qarışmırıq - xoş xasiyyətli insanlarıq, qonaqları həmişə məmnuniyyətlə qarşılayırıq", - Lappo bildirib.

Lapponun sözlərinə görə, Ukrayna Belarusla sərhədə yaxın yerləri minalayıb və bir neçə körpünü partladıb.