İran Müdafiə Nazirliyi yanvarın 28-i gecə saat 23:30-da İsfahanda yerləşən hərbi obyektə dron hücumu ilə bağlı bəyanat yayıb.

Axar.az xəbər verir ki, bəyanatda dron hücumu təsdiqlənib və hadisə nəticəsində insan itkisinin olmadığı, sursat istehsal edən zavoda cüzi ziyan dəydiyi iddia olunub.

Ancaq İran Radio və Televizya Şirkətinin saytı, İsfahan Böhran İdarəetmə Mərkəzi və yerli şahidlər zavodda 4 güclü partlayış olduğunu bildiriblər.

Yerli sosial şəbəkə istifadəçiləri hadisə baş verən ərazinin polis və xüsusi təyinatlılar tərəfindən mühasirəyə alındığını, zavoda çox sayda təcili tibi yardım maşınının cəlb olunduğunu yazıblar.