F-35 qırıcılarının alıcıları onu Vaşinqtonun icazəsi olmadan, təkbaşına istifadə edə bilməzlər.

Axar.az xəbər verir ki, bunu Türkiyənin aparıcı pilotsuz təyyarə istehsalçısı olan “Baykar” şirkətinin idarə heyətinin rəhbəri Səlcuq Bayraqdar deyib.

"Müdafiə məsələsinə gəlincə, dövlətlərin suverenliyi yalnız öz texnologiyalarını inkişaf etdirdikdə mümkündür. F-35 alan ölkələrin üzləşdikləri problemlərə baxın. Onlar ABŞ-ın icazəsi olmadan onlardan təkbaşına istifadə edə bilməyəcəklərini deyirlər. Kənardan aldığınız ən qabaqcıl həll evdə yaratdığınız ən orta texnologiyadan belə daha pisdir. Yüksək texnologiya qandallarla gəlir. İnanıram ki, ən yaxşı həll yolu bu müstəqil yolda davam etməkdir”, - deyə Bayraqdar bildirib.