İranın İsfahan şəhərində yerləşən PUA istehsal edən müdafiə obyektlərinə hücumun axrasında İsrail dayanır.

Axar.az xəbər verir ki, “Voll Strit Jurnal” ABŞ rəsmisinə istinadla məlumat yayıb.

Nəşr qeyd edib ki, bu, Baş nazir Benyamin Netanyahunun ötən ay vəzifəyə geri qayıtmasından sonra İsraildən ilk zərbədir və Tehrana qarşı mübarizənin yeni yolları ilə bağlı Təl-Əviv və Vaşinqton arasında aparılan danışıqlar fonunda baş verib.

Mənbənin sözlərinə görə, pilotsuz təyyarələr ballistik raketlər üzərində işlədiyi iddiası ilə ABŞ-ın sanksiyaları altında olan İranın Kosmik Araşdırmalar Mərkəzinə məxsus obyektin yaxınlığındakı sursat zavodunu hədəf alıb.