Ana səhifə Planet |
"Rustavi-2" telekanalı ətrafında baş verən proseslərin arxasında keçmiş baş nazir Bidzina İvanişvili dayanır.
Axar.az xəbər verir ki, bunu Gürcüstan mətbuatına açıqlamasında hollandiyalı ekspert Tomas De Vaal söyləyib. Onun sözlərinə görə, Gürcüstanda vəziyyət o həddə çatıb ki, artıq hər şeyi İvanişvili idarə edir:
"Gürcüstan baş naziri artıq qərar verməkdən qorxur. Bu ölkə son vaxtlar yaxşı inkişaf etsə də, hələ siyasiləşmiş məhkəmələrdən canını qurtara bilməyib. Bunu MixailSaakaşvili və tərəfdarlarına qarşı qəbul edilən məhkəmə qərarlarında görmək olar. Gürcüstanın siyasi və iqtisadi inkişafa ehtiyacı var. Ölkə gərək öz gələcəyi haqqında düşünsün. Lakin "Gürcü arzusu" hökuməti hələ də 2012-ci ildə ilişib qalıb və Saakaşvili ilə mübarizə aparır".
Qeyd edək ki, bir müddət öncə "Rustavi-2" kanalının rəhbərliyi Tiflis Şəhər Məhkəməsinin qərarı ilə dəyişdirilmişdi. Hazırkı hökumət televiziyanı eks-prezident MixailSaakaşvilinin maraqlarına xidmət etməkdə günahlandırırdı.
Tarix
2015.11.11 / 01:29
|
Müəllif
İlkin Həsənov
|