ABŞ Maliyyə Nazirliyinin terrorla mübarizə və maliyyə kəşfiyyatı üzrə müşaviri Brayan Nelson İstanbulda səfərdə olarkən Türkiyə banklarına Rusiya ilə ticarət əməkdaşlığının inkişafı ilə bağlı sanksiyalar riski barədə xəbərdarlıq edib.

Axar.az xəbər verir ki, bu barədə ABŞ Maliyyə Nazirliyi rəsmi saytında bəyanat yayıb.

"Son bir ildə Rusiyaya ixracatının nəzərəçarpacaq dərəcədə artması Türkiyənin özəl sektorunu nüfuz və sanksiya risklərinə qarşı xüsusilə həssaslaşdırır. Sanksiyaya məruz qalmış Rusiya qurumları ilə əlaqə qurmaqla türk biznesi və bankları sanksiyalar, G7 bazarlarına və müxbir əlaqələrə çıxışın itirilməsi riski ilə üzləşə bilərlər", - bəyanatda deyilir.