Roma Papası Fransisk Ukraynadakı münaqişənin həlli üçün Rusiya Prezidenti Vladimir Putin və Vladimir Zelenski ilə görüşlərə hazır olduğunu bildirib.

Axar.az xəbər verir ki, bu barədə o, Konqo Demokratik Respublikasına apostol səfərindən qayıtdıqdan sonra təyyarənin göyərtəsində jurnalistlərə deyib.

"Mən həm Ukrayna, həm də Rusiya prezidentləri ilə görüşə hazıram. Kiyevə getmədim, çünki o anda getmək mümkün deyildi", - o qeyd edib.

Pontifik xatırladıb ki, Rusiyanın Ukraynada hərbi əməliyyatı başlamasının ikinci günü o, Rusiya səfirliyinə piyada gedib və orada Rusiya səfiri Aleksandr Avdeyevlə görüşüb.