Rusiya Helikopter şirkəti ilə İranın PANHA şirkəti arasında müqavilə imzalanıb.

Axar.az xəbər verir ki, müqaviləyə əsasən Rusiya İran Silahlı Qüvvələrinin invertarında olan Mi-17 vertolyotlarının təmir və təchizatını aparacaq.

Bu barədə məlumat verən Rusiya Helikopter şirkətinin sədr müavini Aleksandr Şerbinin müqavilənin bu ilin oktyabrında imzalanmış memarandum çərçivəsində bağlandığını deyib.

Məlumat üçün bildirək ki, NATO-da Hip-H kod adıyla tanınan helikopterlərin istehsalına hələ Sovet dövründə başlanılıb. Mi-17-lər Mi-8 helikopterinin təkmil variantıdır. Etibarlılığı, geniş fəaliyyət qabiliyyəti və məkana tez uyğunlaşması baxımından dünyanın ən məşhur helikopteridir.