“Leopard” tankları işarə dəqiqliyinə görə hətta Rusiyanın T-90-larından da üstündür.

Axar.az xəbər verir ki, bunu ukraynalı hərbi ekspert Oleq Jdanov deyib.

"Texnoloji cəhətdən Qərb tankları, məsələn, Almaniyanın bizə verdiyi “Leopard”ın 2А5 versiyası dəqiqliyi və istiqamətləndirmə sürətinə görə, şübhəsiz ki, Rusiyanın T-90 tankını da üstələyir, mən hələ T-72-dən danışmıram", - ekspert vurğulayıb.

“Leopard”ın müasir tank olduğunu deyən Jdanov yaxşı da təchiz olunduğunu bildirib:

“Leopard A5” daha müasirdir, hətta "Leopard A4" də onunla rəqabət aparmağa hazırdır. Bu tanklar texnoloji cəhətdən daha yaxşı təchiz edilib. Hər şey konfiqurasiya versiyasından asılıdır. Ümid edirəm ki, onlar bizə bu tankların ən pis konfiqurasiyasını verməyəcəklər. O zaman rus tankçıları döyüş meydanında böyük sürpriz gözləyir”.