Ana səhifə Planet |
Türkiyə-Suriya sərhədinin İŞİD-dən tamamən təmizlənməsi üçün planımız var.
Axar.az xəbər verir ki, bunu ABŞ Sülh İnstitutunda çıxışı zamanı Dövlət katibi Con Kerri deyib. O, Suriyada İŞİD-ə qarşı savaşan mülayim müxalifətə qarşı dəstəyi artırdıqlarını açıqlayıb:
"İncirlik hərbi hava bazasındakı əməliyyat tempimizi artıraraq daha sıx uçuşlar edirik. Kürd ortaqlarımızla cəsur bir əməliyyat təşkil edərək 79 əsiri İŞİD-in əlindən qurtardıq. Koalisiyaya dəstəyini davam etdirən ərəblərlə daim təmasdayıq. Bütün cəhdlərimiz nəticə verir. Qısa müddət öncə İŞİD Suriyanın Türkiyə ilə təxminən 870 kilometrlik sərhədini idarə edirdisə, bu gün sadəcə yüzdə 15 kilometrlik bir ərazi terrorçuların əlindədir, bunu da azad etmək üçün xüsusi bir planımız var".
Qeyd edək ki, sabah Vyanada yenidən Suriya ilə bağlı danışıqlara start veriləcək. Danışıqlarda 17 ölkənin nümayəndəsi iştirak edəcək.
Tarix
2015.11.14 / 09:18
|
Müəllif
Aygün Yusibova
|