Ötən gün Parisdə törədilən terror hücumlarına dünya liderləri münasibət bildirib.

Axar.az xəbər verir ki, Rusiya Prezidenti Vladimir Putin Fransaya başsağlığı verərək, istənilən yardımı etməyə hazır olduqlarını bildirib.

İngiltərə Baş naziri Devid Kemeron isə hücumlar nəticəsində şoka düşdüyünü açıqlayıb.

"Parisdəki hücumların hədəfi bütün insanlıqdır. Türkiyə olaraq bu hücumları qınayırıq", - Türkiyə Baş naziri Əhməd Davudoğlu deyib.

Almanya kansleri Angela Merkel Parisdən gələn xəbərlərdən kədərləndiyini açıqlayıb.

BMT və NATO isə hücumları qınayıb.

Qeyd edək ki, ötən gün Parisdə törədilən 6 terror aktı nəticəsində 153 nəfər ölüb.