Fransa Parisdə törədilən terror hücumlarından sonra Suriyada İŞİD-in paytaxtı hesab olunan Rakkanı bombalayıb.

Axar.az xəbər verir ki, Fransa Müdafiə Nazirliyinin yaydığı məlumata görə, hava əməliyyatlarına 10 qırıcı qatılıb.

Əməliyyat zamanı İŞİD-in düşərgələri və anbarları bombalanıb.

Fransa buna qədər "hava əməliyyatları Bəşər Əsəd rejimini gücləndirəcək" fikrilə İŞİD-ə qarşı hücumlara qatılmırdı.

Qeyd edək ki, ötən həftə Parisdə 6 terror hücumu törədilib. Rəsmi məlumata görə, 132 adam ölüb, qeyri-rəsmi isə 150-dən artıq insanın həlak olduğu iddia edilir. Terror hücumunu İŞİD öz üzərinə götürüb.